அட்டன் ஹைலன்ஸ் கல்லூரியின் கணிதத்துறை ஆசிரியர் கே.ஜீவராஜனின் பூதடல் சற்று நேரத்துக்கு முன்பு அக்னியுடன் சங்கமமாகியது.
மலையக உயர்க்கல்வித்துறைக்கு முக்கிய பங்காற்றியவர்களின் ஒருவராக கருதப்படுகின்ற அமரர் ஜீவராஜனின் பூதவுடல் இன்று பிற்பகல் 2.30 மணிவரை அட்டன் ஹைலண்ஸ் கல்லூரி வளாகத்தில் ஹைலன்ஸ் கல்லூரி சமூகத்தின் அஞ்சலிக்காக வைக்கப்பட்டிருந்தது. இதன் போது இடம் பெற்ற இரங்கல் உரைநிகழ்வில் பல்வேறு தரப்பினரும் கலந்து கொண்டனர்.
பிற்பகல் 2.30 மணியளவில் அன்னாரின் பூதவுடல் தாங்கிய பேழை பெருந்திரளான மக்கள் கூட்டத்துடன் அட்டன் நகரூடாக கொட்டகலை கொமர்ஷல் மின்சார தகன மயானத்திற்குக் கொண்டு செல்லப்பட்டு பிற்பகல் 5.20 அன்னாரின் பூதவுடல் அக்னியுடன் சங்கமமாகியது.
