இலங்கைத்தொழிலாளர் ஐக்கிய முன்னணியின் பொதுச்செயலாளர் கணபதி கனகராஜ் இ.தொ.கா.வுடன் இணையவுள்ளதாக தகவல் வெளியாகியுள்ளது.

இலங்கைத்தொழிலாளர் ஐக்கிய முன்னணியின் பொதுச்செயலாளரும் மத்திய மாகாணசபை உறுப்பினருமான கணபதி கனகராஜ் மற்றும் இந்த முன்னணியின் நிதிச்செயலாளரும் அம்பகமுவ பிரதேச சபை உறுப்பினருமான எஸ்.சிவசுந்தரம் ஆகியோர் இலங்கைத்தொழிலாளர் காங்கிரஸீடன் இணைந்து கொள்வதற்கான மறைமுகப்பேச்சுவார்த்தைகள் இடம் பெற்று வருவதாக மலையக அரசியல் வட்டாரங்களில் பரவலாகப் பேசப்படுகின்றன. பெரும்பாலும் இவர்கள் இருவரும் இன்று 22 ஆம் திகதி காலை 10 மணிக்கு இலங்கைத் தொழிலாளர் காங்கிரஸின் கொட்டகலை காங்கிரஸ் தொழினுட்ப நிலையத்தில் இ.தொ.கா.வின் பொதுச்செயலாளரும் கால்நடை அபிவிருத்தி மற்றும் கிராமிய ,சமூக அபிவிருத்தி அமைச்சருமான ஆறுமுகன் தொண்டமானை சந்தித்து பேச்சுவார்த்தை நடத்தியதன் பின்பு உத்தியோகப்பூர்வமாக இணையவுள்ளனர் என நம்ப தகுந்த வட்டாரங்கள் தெரிவிக்கின்றன.