நாவலப்பிட்டி நகரில் போக்குவரத்து ஒழுங்குகளைப் பேணுவதில் பொலிஸார் தீவிரம்

நாவலப்பிட்டி நகரில் உரிய வகையில் போக்குவரத்துச் சட்டங்களைப் பாதசாரிகளும் வாகன சாரதிகளும் பேணும் வகையில் நாவலப்பிட்டி பொலிஸார் தொடர் கண்காணிப்பில் ஈடுபட்டு வருகின்றனர். நாவலப்பிட்டி நகரின் பிரதான பாதைகளில் ஏற்படுத்தப்பட்டுள்ள மஞ்சள் கடவைகளில் மாத்திரமே பாதசாரிகள் பிராதான பாதையினை கடப்பதற்குப் பயன் படுத்த வேண்டும் என்ற அறிவித்தல்களும் காட்சிப்படுத்தப்பட்டுள்ளன. அத்துடன் நாவலப்பிட்டி நகர சபையின் ஏற்பாட்டில் நாவலப்பிட்டி பிரதான பஸ்தரிப்பு நிலையப்பகுதியில் மேம்பாலங்களும் ஏற்படுத்தப்பட்டுள்ளன.