நுவரெலியா மாவட்டம் நோர்வூட் - மஸ்கெலியா பிரதான பாதையில் இன்று பிற்பகல் வேளையில் இடம் பெற்ற வாகன விபத்தொன்றில் ஒருவர் பலியானதோடு ஐந்து பேர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.
மஸ்கெலியாவைச்சேர்ந்த வேன் ஒன்று கண்டிக்குச்சென்று மஸ்கெலியா நோக்கி சென்றுகொண்டிருந்த போது நோர்வ+ட் - மஸ்கெலியா பிரதான பாதையில் நிவ்வெளி பாடசாலைக்கு அருகில் பாதையை விட்டு விலகி பள்ளத்தில் குடைசாய்ந்துள்ளது. இதன் போது வேனின்; சாரதி சம்பவம் இடம் பெற்ற இடத்திலேயே பலியானதோடு அந்த வானில் பயணித்த 5 பேர் படுகாயமடைந்துள்ளனர். படுகாயமடைந்தவர்களில் மூவர் டிக்கோயா கிளங்கன் மாவட்ட வைத்தியசாலையிலும் மேலும் இருவர் நாவலப்பிட்டி வைத்தியசாலையிலும் அனுமதிக்கப்பட்டு தற்போது சிகிச்சைப்பெற்று வருகின்றனர். இந்த விபத்துச்சம்பவம் தொடர்பான விசாரணைகளில் நோர்வூட் பொலிஸார் மேற்கொண்டு வருகின்றனர்.
தகவல் : நோர்வூட் ரஞ்சித் ராஜபக்ஷ
கருத்துகள் இல்லை:
கருத்துரையிடுக