கதிர்காமம் உற்சவத்தினை முன்னிட்டு விசேட போக்குவரத்துச்சேவைகள்

நேற்று 12 ஆம் திகதி ஆரம்பமான கதிர்காம உற்சவத்தை முன்னிட்டு; விசேட பஸ் மற்றும் ரயில் இணைந்த சேவைகள் நடத்தப்படுகின்றன. பக்தர்களின் நலன் கருதி, எதிர்வரும் 25 ஆம் திகதிவரை இச்சேவைகள் நடத்தப்படுமென ரயில்வே வணிக அத்தியட்சகர் விஜய சமரசிங்க அறிவித்துள்ளார் நாட்டின் பல்வேறு நகரங்களிலிருந்தும் ஹப்புத்தளை, பண்டாரவளை, மாத்தறை ஆகிய நகரங்கள் வரை விசேட ரயில் சேவைகள் நடத்தப்படவுள்ளன. இந்த ரயில் நிலையங்களிலிருந்து கதிர்காமம் புனித நகரம்வரை பஸ் சேவைகள் நடத்தப்படவுள்ளமைக்குறிப்பிடத்தக்கது.இதே மலையகத்திலிருந்து கதிர்காமத்திற்குச் செல்லவிருக்கின்ற பக்தர்களின் நலன் கருதி மலையக நகரங்களிலிருந்து விசேட பஸ் சேவைகளை நடத்துமாறு மலையக மக்கள் கோரிக்கை விடுத்துள்ளனர்.