மேல் கொத்மலை நீர் மின் உற்பத்தித்திட்டத்தின் சுரங்கப்பாதை பணிகள் பூர்த்தி

மேல் கொத்மலை நீர் மின்திட்டத்தின் நிர்மாணப்பணிகள் மும்முரமாக இடம் பெற்று வருகின்றன. தலவாக்கலை நகரத்துக்கு அருகில் மேல் கொத்மலை நீரணையின் கட்டுமானப்பணிகள் கடந்த மூன்று வருடங்களாக இடம் பெற்றுக்கொண்டிருக்கின்றன. இந்தத்திட்டத்தின் தலவாக்கலை நீரணையிலிருந்து சுரங்கப்பாதை ஊடாக பூண்டுலோயா நியாங்கந்துர மின் உற்பத்தி நிலையத்துக்கு நீர் கொண்டு செல்லப்பட்டு மின் உற்பத்தி செய்யப்படவுள்ளது. 13 கிலோ மீற்றர் தூரமுள்ள சுரங்கப்பாதையின் நிர்மாணப்பணிகள் தற்போது பூர்த்தியடைந்துள்ளன. மேல் கொத்மலைத்திட்டத்தின் மூலமாக 150 மெஹாவோட்ஸ் மின்சாரம் உற்பத்தி செய்யப்படவுள்ளது. மேல் கொத்மலைத்திட்டத்தினை முன்னிட்டு தலவாக்கலை பிரதேசத்தில் புதிய குடியிருப்புக்கள் ,கட்டிடங்கள் உட்பட உட்கட்டமைப்பு வசதிகள் ஏற்படுத்தப்பட்டு வருகின்றன. மேல் கொத்மலைத்திட்டத்தின் பணிகள் அடுத்த வருடம் பூர்த்தியாகுமென எதிர்பார்க்கப்படுகின்றது.