நுவரெலியா மாவட்டத்தில் சீரற்ற காலநிலை

நுவரெலியா மாவட்டத்தில் பல்வேறு பகுதிகளில் மேகமூட்டம் காணப்படுகின்றது.இதனால் அட்டன் - நுவரெலியா மற்றும் நுவரெலியா – புசல்லாவை ஆகிய பிரதான பாதைகளில் வாகனம் செலுத்துகின்றவர்கள் அவதானமாக வாகனங்களை செலுத்துமாறு நுவரெலியா மாவட்டச் செயலாளர் டி.பி.ஜி.குமாரஸ்ரீ அறிவித்துள்ளார் இதே வேளை மலையகத்தில் கடந்த சில நாட்களாக சீரற்ற காலநிலை நிலவுவதால் மக்களின் இயல்பு வாழக்கை பெரிதும் பாதிப்படைந்துள்ளது.குறிப்பாக மத்திய மாகாணத்தில் கண்டி ,நுவரெலியா,மாத்தளை ஆகிய மாவட்டங்களில் தொடர்ச்சியான மழை வீழ்ச்சி காணப்படுகின்றது. இதே வேளை நுவரெலியா மாவட்டத்தில் அடைமழை பெய்து வருவதால் நீர் நிலைகளில் நீர் மட்டமும் உயர்ந்து வருகின்றது.