அட்டன் கல்வி வலயத்தில் கடந்த 37 வருடங்களாக பல்வேறு பாடசாலைகளில் ஆசிரியராகவும் அதிபராகவும் சேவையாற்றி ஓய்வு பெற்ற அட்டன் செனன் தமிழ் மகா வித்தியாலயத்தின் அதிபர் எஸ்.பரமநாதனைப் பாராட்டும் நிகழ்வு அட்டன் செனன் பாடசாலையில் இடம் பெற்றது.
அட்டன் செனன் தமிழ் மகா வித்தியாலயத்தின் அதிபர் பரமநாதனை செனனன் பாடசாலை சமூகத்தினர் அட்டன் நகரிலிருந்து வாகன பவனியாகவும் செனன் ஆக்ரோயா சந்தியிலிருந்து ஊர்வலமாகவும் அட்டன் சென்னன் பாடசாலைக்கு அழைத்து வந்தனர். இதன் போது முன்னாள் அதிபருக்கு மாணவர்கள் ஆசிரியர்கள் பெற்றோர்கள் உற்சாகமாக வரவேற்றனர். இதனைத்தொடர்ந்து இடம் பெற்ற பாராட்டு விழாவில் பெற்றோர்கள் ,மாணவர்கள் ,ஆசிரியர்கள் ஆகியோர் முன்னாள் அதிபர் எஸ்.பரமநாதனுக்கு பொன்னாடை போர்த்தியும் பரிசுகள் வழங்கியும் பாராட்டினர்.
கருத்துகள் இல்லை:
கருத்துரையிடுக