அட்டன் நகரில் ஹெரோயின் போதைப்பொருள் கும்பலிடம் பொலிஸார் தொடர் விசாரணை

அட்டன் நகரின் பிரதான பஸ்தரிப்பு பகுதிக்கு அருகிலுள்ள சமனலகம கிராமத்தில் ஹெரோயின் போதைப்பொருளை வைத்திருந்த மூன்று பேரை அட்டன் பொலிஸார் 20 ஆம் திகதி பிற்பகல் வேளையில் அட்டன் பொலிஸார் சந்தேகத்தின் பேரில் கைது செய்துள்ளனர். இவர்கள் வசமிருந்து ஹெரோயின் போதைப்பொருள் 150 மில்லிகிராம் நிறையுடைய 14 சிறுபொதிகளையும் இவர்களிடமிருந்து பொலிஸார் கைப்பற்றியுள்ளனர். அட்டன் பொலிஸாருக்குக்கிடைத்த தகவலொன்றைத்தொடர்ந்தே அட்டன் பொலிஸ் நிலைய தலைமைப்பொறுப்பதிகாரி சமந்த ஜயசுந்தரவின் ஆலோசனைக்கேற்ப செயற்பட்ட பொலிஸ் குழு இந்தப்போதை பொருள் விற்பனை குழுவினரைச் சுற்றிவளைத்துள்ளனர்.இதன் போது இவர்கள் தொலைபேசி ஒன்றினுள் மறைத்து வைக்கப்பட்ட நிலையில் இந்தப்போதைப்பொருளினைக் கைப்பற்றியுள்ளனர்.அத்துடன் கைத்தொலைபேசியின் பெற்றரி வைக்கும் பகுதியிலேயே ஹெரோயின் போதைப்பொருளின் சிறுபொதிகளை மறைத்து வைத்து நகரப்பகுதிக்கு வந்து போதைப்பொருளினை விற்பனை செய்து வந்துள்ளனர்.இவர்களை அட்டன் பொலிஸார் தடுத்து வைத்து விசாரணைகளில் ஈடுபட்டு வருகின்றனர்..இவர்களின் ஒருவர் கொழும்பு கிரண்டபாஸைச்சேர்ந்தவர் என்றும் ஏனைய இருவரும் அட்டனைச்சேர்ந்தவர்களாவர் என்பதும் குறிப்பிடத்தக்கது.