மலையகப் பகுதிகளில் தொடர்ந்து அடைமழை பெய்து வருகின்ற படியால் ஓடைகளிலும் ஆறுகளிலும் வெள்ள நீர் பெருக்கெடுத்துச் செல்வதால் ஆற்றோரங்களில் வாழுகின்ற மக்கள் அவதானமாக செயற்பட வேண்டி நிலைமை ஏற்பட்டுள்ளது. இன்று 17 ஆம் திகதி பிற்பகல் 4 மணிமுதல் 6 மணி வரை நாவலப்பிட்டி பிரதேசத்தில் பெய்த அடைமழையினால் பிரதேச மக்கள்; பலவேறு சிரமங்களுக்கு உள்ளாகினர். நாவலப்பிட்டி நகரில் கம்பளை வீதி வெள்ளக்காடாக காட்சியளித்தால் கம்பளை பகுதியிலிருந்து நாவலப்பிட்டி நகரூடாக அட்டன் மற்றும் தலவாக்கலை நோக்கிச் சென்ற வாகனங்களுக்கு இடையுறுகள் ஏற்பட்டன.சில மணிநேரம் தாமதித்து பயணிக்க வேண்டி நிலைமை ஏற்பட்டது. இந்த நிலையில் நாவலப்பிட்டி கம்பளை வீதியில் வெள்ள நீர் தேங்க நின்றதால் கடைகளுக்குள்ளும் வெள்ளநீர் புகுந்தமைக் குறிப்பிடத்தக்கது. நாவலப்பிட்டி நகரப்பகுதியில் அடைமழை பெய்கின்ற போது கம்பளை வீதியில் வெள்ளப் பெருக்கு ஏற்படுவது வழமையாகி விட்டமை மேலும் குறிப்பிடத்தக்கது.
கருத்துகள் இல்லை:
கருத்துரையிடுக