பெருந்தோட்ட முதலாளிமார் சம்மேளனத்தின் ஊடகவியலாளர் கலந்துரையாடல் பிற்போடப்பட்டுள்ளது

நாளை  20 ஆம் திகதி ஞாயிற்றுக் கிழமை நுவரெலியா பெருந்தோட்ட மனிதவள அபிவிருத்தி நம்பிக்கை நிதியத்தின் கேட்போர் கூடத்தில் காலை 10 மணி முதல் இடம்பெற ஏற்பாடாகியிருந்த பிராந்திய ஊடகவியலாளர்களுடனான சந்திப்பு தவிர்க்க முடியாத காரணங்களால் பிற்போடப்பட்டுள்ளது
சம்பள அதிகரிப்பு தொடர்பான கூட்டுடன் படிக்கை எதிர்வரும் மார்ச் மாதம் 31ஆம் திகதியுடன் நிறைவடையவுள்ள நிலையில், பெருந்தோட்ட கம்பனிகளின் நிலைப்பாடு குறித்து தெளிவுபடுத்தும் வகையில் இந்தக் கலந்துரையாடல் ஏற்பாடு செய்யப்பட்டிருந்தது.
இது குறித்து சகல பிராந்திய ஊடகவியலாளர்களுக்கும் அறிவித்தலை விடுப்பதற்கான நடவடிக்கைகளை பெருந்தோட்ட முதலாளிமார் சம்மேளனம் மேற்கொண்டுள்ளதாகவும், இதன் காரணமாக ஏதேனும் அசௌகரியங்கள் ஏற்பட்டிருப்பின் அதற்காக தமது ஆழ்ந்த வருத்தத்தை இத்தால் தெரிவித்துக் கொள்வதாகவும் பெருந்தோட்ட முதலாளிமார் சம்மேளனம் அறிவித்துள்ளது.
கலந்துரையாடலுக்கான புதிய திகதி குறித்து விரைவில்  அனைத்து ஊடகவியலாளர்களுக்கும் விரைவில் அறிவிப்பதற்கான நடவடிக்கைகளை பெருந்தோட்ட முதலாளிமார் சம்மேளனம் மேற்கொள்ளும் எனவும் குறிப்பிட்டுள்ளது.