மத்திய மாகாண சுகாதார அமைச்சின் கீழ்ச்செயற்படுகின்ற மஸ்கெலியா மாவட்ட வைத்தியசாலையைப் பிரதேச மக்களின் நலன் கருதி மேம்படுத்துவதற்கு மத்திய மாகாணசபையின் சுகாதார அமைச்சு நடவடிக்கை எடுக்க வேண்டுமென மத்திய மாகாணசபையின் கவனத்திற்குக்கொண்டு வந்துள்ளதாக ஜனநாயகத்தொழிலாளர் காங்கிரஸின் பிரதித்தலைவரும் மத்திய மாகாணசபை உறுப்பினருமான முரளிரகுநாதன் தெரிவித்தார்.இவ்விடயம் தொடர்பாக அவர் மேலும் தெரிவித்ததாவது :
மஸ்கெலியா பிரதேசத்தில் வாழுகின்ற ஆயிரக்கணக்கான மக்களின் வைத்திய சேவையைப் பூர்த்திச் செய்யக்கூடியவகையில் விசாலமான கட்டிடமொன்றில் ஏற்படுத்தப்பட்டுள்ள மஸ்கெலியா மாவட்ட வைத்தியசாலையின் செயற்பாடுகள் உரியவகையில் இல்லாத காரணத்தினால் பிரதேச மக்கள் பல்வேறு அசௌகரியங்களை எதிர்நோக்கி வருகின்றனர்.தற்போது இந்த வைத்தியசாலையின் மாடிக்கட்டிடங்கள் பல பாழடைந்த நிலையிலுள்ளன.இந்த வைத்தியசாலையில் ஆளணி பற்றாக்குறை காணப்படுகின்றது. முக்கிய வைத்திய பிரிவுகள் கவனிப்பாரற்றுக் காணப்படுகின்றன..எனவே இதனைக்கருத்திற்கொண்டு மஸ்கெலியா மாவட்ட வைத்தியசாலையின் தற்போதைய நிலைமைக்குறித்து ஆராய்ந்து உரிய பரிகாரங்களை மேற்கொள்ளுவதற்கு மத்திய மாகாணசபையின் சுகாதார அமைச்சு நடவடிக்கை எடுக்க வேண்டும்.
கருத்துகள் இல்லை:
கருத்துரையிடுக